Zirichiltaggia [Baddu tundu] lyrics

Di chissu che babbu ci ha lacátu

la meddu palti ti sei presa,

la muntiggiu rúju cu lu súaru

li àcchj sulcini, lu trau mannu

e m'hai laccatu monti mucchju e zirichèlti...

Ma tu ti sei tentu lu riu e la casa

e tuttu chissu che v'era 'ndrentu

li piri butìrro e l'oltu cultiatu

dapói di sei mesi che mi n'era andatu

parìa un campusantu bumbaldatu...

Ti ni sei andatu a campà cu li signuri

fènditi cumandà da to muddèri

e li soldi di babbu l'hai spesi tutti

in cosi boni, midicini e giornali

che to fiddòlu a cattr'anni aja jà l'ucchjali...

Ma me muddèri campa da signora

a me fiddòlu cunnosci più di milli paráuli

la tòja è mugnedi di la manzàna a la sera

e li toi fiddòli so brutti di tarra e di lozzu

e andaràni a cujuàssi a calche ziràccu...

Candu tu seu paltutu suldatu piagnii come unu steddu

e da li babbi di li toi amanti t'ha salvatu tu fratèddu

e si lu curàggiu che t'è filmatu lu curaggiu è sempri chiddu

chill'emu a vidi in piazza ca l'ha più tostu lu murru

e pa lu stantu ponimi la faccia in culu

e pa lu stantu ponimi la faccia in culu.