Zirichiltaggia [Baddu tundu] [Friulian translation]

Di chel che il tate nus à lassât

il toc miôr tu si âs cjapât

la mont colôr di rose cul sûr

lis vacjis grisis e il taur grant

e tu mi âs lassât claps, baraçs e lisiartis...

Ma tu tu ti âs tignût il riûl e la cjase

e dut chel che al jere dentri

i piruçs butîrs e l'ort coltât

dopo sîs mês che vie o jeri lât

al someave un simitieri bombardât...

Tu tu sês lât a vivi cui siôrs

fasintti comandâ di tô femine

e i bêçs dal tate a son lâts vie ducj

in golosets, midisinis e gjornâi

che to fi a cuatri agns al à za i ocjai.

Ma mê femine e vîf come une siore

e gno fi al cognòs plui di mil peraulis

la tô e je a molzi di un scûr a chel altri

e lis tôs fiis a son cragnosis di tiare e di ledan

e a laran a maridâsi cun cualchi piorâr...

Cuant che tu sês partît soldât tu vaivis come un frutut

e dai paris des tôs amantis ti à salvât to fradi

e se la olse che ti à restade, la olse e je simpri chê

o larìn in place a viodi cui che al à il cjâf plui dûr

e par intant metimi la muse tal cûl

e par intant metimi la muse tal cûl.