Zingarella lyrics

Nu juorno caminavo chianu chianu

Quanno 'ncuntrai p'a via 'na zingarella

Ca' ma vulette leggere 'sta mano

P'a 'nduvina qual era la mia stella

"Zingare', zingare'

Dimme a sciòrta mia qual è

Song' nato nu pezzente

O so nato figlio 'e re?"

"Si nato cu 'na sciòrta bella assaje

Si sarrai buono e t'accunteterraje

Si tiene 'e renàre nun puo' ave' l'ammore

Si tiene l'ammore nun puo' ave' renàre

Che vuo'?"

"Voglio l'ammore"

Ma dopp' tanto tiempo ca passaje

Pazziann' cu lu fuoco dell'ammore

Nu bello juorno poi m'annammurai

E m'abbruciaje lu funnu di lu core

"Zingare', zingare'

Cagna a sciòrta mia, pecché

Nun è certamente ammore

Ca può fa cuntento a me"

"Pe' chesta vota sola te perdono

Ma mo' prima 'e fa 'a scelta, pensa buono

Si tiene 'e renàre nun puo' ave' l'ammore

Si tiene l'ammore nun puo' ave' renàre

Che vuo'?"

"Voglio 'e renàre"

Cchiù bella addeventaje 'sta vita mia

Cu' 'e sacche chiene chiene de ricchezze

Ma dint'o core che malincunia

Senza l'ammore e senza tenerezza

"Zingare', zingare'

Cagna a sciòrta mia, pecché

Forse manco 'sti renàre

Puonn' fa' cuntento a me"

"Mo' o' saccio tu che tiene dint'o core

Te voglio fa' cuntento, sissignore

Ammore e renàre, renàre e ammore

T'e ddo tutte 'e dduje si tu vuo' bene a me

Che vuo'?"

"Zingarella, voglio a te!"