زحمة الأيام [Zahmet El Ayam]

وفي زحمة الأيام

تتفتفت الأحلام

وأرضى بقليل وبعيش

وأنده بصوت مبحوح

على حلم كان مسموح

بيعدي ما يشفنيش

عمر اتسرق مننا

فين اللي كانوا هنا؟

راحوا خلاص ومافيش

وبنتظاهر بالرضا

ونقول نصيبنا كده

مع دنيا ما بتديش

وفي توهة المشوار

ياما حلمنا صغار

ببطولة في الحواديت

صدقت في الأيام

ومشيت ورا أوهام

وزى ما روحت أهو جيت

وأما السنين بتفوت

والغنوة تبقى سكوت

وكل شئ محسوب

وأما السنين بتفوت

إحساسنا ليه بيموت

بإيدين قدر مكتوب

عدى زمنا وسبق

طلع البطل من ورق

والحلم بات مهزوم

عدى زمنا وسبق

وقع الفرس في السبق

لكن أكيد هيقوم

فجأة ومن غير سبب

نصبح عرايس خشب

على مسرح الأيام

أيام وليها العجب

بنعيشها مر وتعب

آه منها دي الأيام