Заедно можеме [Zaedno možeme] [English translation]

Од зрак на сонцето создадена,

ко небо сина, пламен црвена,

во песни и свети книги

стари ко светот испеана.

Сон си ти во јаве престорен,

од дедовци на внуци оставен,

ко завет одамна даден

за живот среќен и слободен.

(2х)

Тебе ти пееме

земјо наша, пеј со нас,

заедно можеме,

еј, Македонијо пеј на глас.

Од патила изрезбрана,

со молитви исплетена

нашата грутка,

мила земја ветена.

Од колена на колена

од душмани сочувана,

моја Македонија,

биди ми вековита.

Ти што си ко бајка раскошна,

рај во лето, зиме волшебна.

Си била, си и ќе бидеш

за секој од нас единствена.

Дом за нас се твојте прегратки,

бели мугри, ноќи ѕвездени.

Биди жива, твоето име нека се слави со векови.

(5х)

Тебе ти пееме

земјо наша, пеј со нас,

заедно можеме,

еј, Македонијо пеј на глас.