يمكن فقد له شخص ملامحه فيك [Yumkin faqad lah shakhs malamihuh fik] lyrics

الا ابتلاك الحزن والوقت يمديك

من قبل يشوفون الحزن فيك خبه

اضحك ولو ونات صدرك تبكيك

ولو يوجع اضلاعك بعد لاتسبه

هذا حكاي لقلبي اذا مر طاريك

يارب قدري ماتغير ي ربه

صبري حطب دامه حطب كيف يرضيك

تبعد وتترك نار شوقي تشبه

اوادعك غصبا وقلبي يناديك

واواجهك في الحلم من دون سبه

وش ذنب حزني ولا وش ذنبي اغليك

ي عطرك وذاك النسايم تهبه

ما كل من ينظر لك احيان يبغيك

ولا تحسبنه ي رفيقي مشبه

يمكن فقد له شخص ملامحه فيك

هذي عوايد فاقدين الاحبه

باقي الامل نور لا مر الشبابيك

يحيي الشعور الي غرق وسط غبه

تدري وش اسوي لاتمنيت الاقيك

اتخيلك غيم وايديني مصبه

حتى ايش لو يبعد زماني خطاويك

وانت الذي ضامي المحاني مربه

ذكراك لامرت شعوري يناجيك

وذكراي لامرت خفوقك تنبه

انا احبك جعل ربي يخليك

ان كانك متعود على الي تحبه