Υπάρχουν χρυσόψαρα εδώ; [Ypárchoun chrysópsara edó?] [Albanian translation]

Si varkëza duken natën ishujt

ndaluar mu në mes të detit

një shije të së shkuarës ka fryma e tyre

si ringjallur me magji të ndonjë shtrigani

Nuk ishe ti që flisje për çaste fluturake?

Nuk ishe ti që qaje prej dashurie?

Nuk thoje ti “njerëzit nuk duan urdhra

prej njerëzve-mekanizma në rolin e mbrojtësit”?

Me një cigare si shkumës i gjatë

ngjan me far që penguan anijet...

A nuk më mësove ti t’i rris flokët?

Nëpër vjeturina rrobat e tua kërkoje

Se vlera jonë që thellë nesh ka bërë fole

është jeta e çliruar që deshe të jetoje.

A ka peshq të kuq këtu? Përgjigjmu

brenda në enë uji po mbaron,

A ka peshq të kuq këtu? Përgjigjmu

apo mbetet e zezë gjithçka në fund?

Shqipëroi: Erina Çoku