Ko‘ngil - shisha, agar bilsang,
Hecham unga o‘q otma,
Agar meni chindan sevsang,
Endi meni yo‘qotma.
Xafa qilma, uzr so‘ra,
Ko‘zlarimga kulib qara,
Ilhaqlanib holim so‘ra,
Endi meni yo‘qotma.
Avaylagin yosh boladek,
Farog‘atga ko‘msin visol,
Og‘ushingga yashirib ol,
Endi meni yo‘qotma.
Kishan solib qo‘llarimga,
Chohlar qazib yo‘llarimga,
Alishmagin o‘zgalarga,
Endi meni yo‘qotma.
Endi, endi, endi, endi,
Endi meni yo‘qotma...