Yigit Yigʻlamasin Dunyoda [Transliteration]

Боғларда булбуллар йиғласин майли,

Сочлари сунбуллар йиғласин майли.

(×2)

Маъюс мажнунтоллар йиғласин майли,

Йигит йиғламасин дунёда.

(×2)

Ёмғир булут бағрин сўкар ўша кун,

Оҳорли ёшларин тўкар ўша кун.

(×2)

Забардаст тоғлар ҳам чўкар ўша кун,

Йигит йиғламасин дунёда.

(×2)

Йигитнинг кўзини нам қилма ҳаёт,

Бошгинасин эгик ҳам қилма ҳаёт

(×2)

Кўрган кунларини кам қилма ҳаёт.

Йигит йиғламасин дунёда.

(×2)

Бир сўзни ахтариб юрардим доим,

Шу сўзни мен бугун топдим худойим,

(×2)

Бўлмасин десангиз қиёмат-қойим.

Йигит йиғламасин дунёда.

(×2)

Йигит йиғламасин дунёда. (×2)