يسعد صباحك يا حبيبي حالي طيب
كل شي مثل اللي كان
المدامع والمواجع
والأمان اللي اختفى لحظة غيابك
والليالي اللي مضت
مثل الليالي اللي مضت
الهم عازف
والدمع نازف
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقي نفس الكلام اللي بقى آخر لقا
مثل مانت يا حبيب الروح شايف
كل شي مثل اللي كان
حالي طيب
يسعد صباحك يا حبيبي
هذا انت
كل ما ضاقت بي الدنيا تغيب
وكل ما ضاقت بك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى ب أنيني
مثل مانت.. مثل مانت.. مثل مانت
دايم تجي في وقتك حبيبي
بعد ما وقتك يروح
يا آخر دموعي وشجوني
وأول إحساسي جروح
ما بقالي من عذابي يا حبيبي الا انت
هذا انت يا حبيب الروح شايف
كل شي مثل اللي كان
حالي طيب
يسعد صباحك يا حبيبي
هذا ضي الصبح أو هو بعض نورك؟
هذا همس الورد أو دافي شعورك؟
منهو مثلك في غرورك؟
جيت متأكد باسامح
راسم الطيبة ملامح
ماهو بدري.. انت تدري
ما قتلني غيابك اكثر من حضورك
إيه كان العمر داكن
إيه كان الهم ساكن وقتي بعدك
بس أنا يا ضي عمري
كنت عودت الأماكن تألف بعادك وصدك
ياللي ما يرضيني ضعفك
ما ادري انثر فوق كتفك أغلى دمعي او أردك
ومتل مانت يا حبيب الروح شايف
ما بقى غير اللي كان
قلبي طيب.. قلبي طيب.. قلبي طيب
يسعد صباحك يا حبيبي