يكفي وجودك [Yakfi Wojoudek] [Transliteration]

يكفي وجودك ياحبيبي عن الناس

والناس ما تكفي أبد عن وجودك

يكفيني إنك مالك(ن) عرش الاحساس

وإن الورود اللي بقلبي ورودك

غادرت لكن الأحاسيس حراس

تحرسك في قلبي ولا حد(ن) يرودك

وإن جارت صروف المقادير لا باس

أدري بأنك وافي(ن) في وعودك

لكن يبقى غصن الأشواق مياس

على فرات الحب يقهر حسودك

يا هاجس(ن) يدخل على كل هوجاس

وأغلب مطاليع الشعر من خدودك

يا ريم لك في روضة الحب مكناس

عايش أمير(ن) والمحبة تسودك

والسر عودك مع هوى كل نسناس

أكيد نسناس الهوى حب عودك

والورد لي عايش على برد الانفاس

غطى ولا غطى جواهر عقودك

حسنك حبيبي صعب يوصف وينقاس

تبغي الصراحة؟ زاد بالزين زودك