يا نبع المحبة
وحدك ساكن قلبي
لا تتخلى عنا
عينك ع وطنا
بالإيام الصعبة
ميلادك ميلاد الخير
يا نور الحقيقة
ما بشرت بغير الخير
وخلاص الخليقة
وبشرت بالسلام
وعاداك السلام
وقلتلن يا ربي
دخلك سامح شعبي
بلادي، يا فادي الكون
تقلوا كثير حمالها
بإيدين بتكره اللون
شوهوا جمالها
وينك يا يسوع
وطنا موجوع
وطنا يا ربي
نسيته المحبة
بين الخي وبين الخي
بيعدوا المشوار
بلد الشمس وبلد المي
أكلته النار
الحلا والخضار
كلن صاروا غبار
حبسونا بعلبة
خلصنا يا ربي