Wat ess? lyrics

Do küss en ming Buud, Papier un Kuli en der Hand

Bemerkst wie et he ussieht un sähß: Aha, sehr interessant!

Do jiss dir Möh, dich ze verstelle, leeve Mann

Ahm beste jöövste dat treck draan

Doch irjendjet läuf he, un do wills wesse, wat et ess

Oder - wat ess?

Do mähß dir paar Notize, do fings mich tres boheme

Do ackers, bohrs un quetschs mich uss

Vermutlich noh System

Do weeß mir langsam irjendwie doch unanjenehm

Jung, schnapp ens Luff, krich dich ens enn!

Do meins, irjendjet wöör met mir

Un do wills wesse, wat et ess

Oder - wat ess?

Dä Presseausweis ahm Revers,do wo en jeder sieht

Weil mit dämm Dinge besste wer,dä su ziemlich jeder intressiert

Pass op, dat de dat Dinge do öm Jotteswille nit verliers! Pass op, dat dir dat nit passiert!

Dann merk womöglich keiner mieh, wie jöttlich do doch bess. Oder - wat ess?

Jetz mähßte op wichtig, mähß op Förderer der Kultur

Lööß janz jeschick paar Name falle un luhrs dann op ding Quarzuhr

Do hätts noch vill Termine hück, oh, die kenn ich ald die Tour

Op die Tour mähßte mich nur stur

Do merks, mir stink jet

Doch do merks nit, dat do dat bess

Oder - wat ess?

Do frööß mich all die Saache

Die do eijentlich janit wesse wills

Ich antwoode nur Schwachsinn

Dat pass dann prima en ding Bild

Do schmirjels mir de Nerve, Kääl, un zwar e bessje vill

Ich kann nit mieh, bess jetz ens still?!

Do strapaziers mich, unerträglich wie de bess

Oh, Mann, halt de Fress!

Jetz deißte als wöör ich schizzo

Notiers als Stichwort nur Chaot

Do meins wohl, dat ich Lala wöhr, wa?

Do Trittbrett-Idiot

Dann heuchelste Verständnis, weil do häss Angs

Do köhms zo koot

Et jitt zovill vun dinger Zoot

Tatsächlich läuf jet

Nur ihr kapiert nit, wat et ess