و انا كل ما اقول ماليش دعوة
تشدّني مصر من ودني
تزعقلي يا واد
يا واد إوعى
تغيب في التوهة و تسيبني (x2)
اقول يامّا خلاص
تعبت خلاص
تقيل الحِمل
غلّبني
تقوللي فوق
ماليش غيرك
و مين ينصرني انا غيرك؟ (x2)
و مين ينصرني غير ابني؟
و كل ما اقول
خلاص هنسى
تقول و انا مين يشيل همّي؟
تزعقلي يا واد
يا واد ارسى
دنا اللي زرعت فيك حلمي (x2)
اقول يامّا كتير
جراحي كتير
و سايل ع الجبين
دمي
تقوللي الدم
دا وسامك
بنوره راح
ينكتب اسمي (x2)