وەکو ڕۆژ ئەو مەهە لەو دوورە دەرکەوت
لە مێوە ئەشک و ئاهی ئێمە سەرکەوت
کە ئەو ڵێوە و ددانەم دی بەجارێ
لەبەرچاوم هەموو لەعل و گوهەر کەوت
وەنەوزێکم شەوێ دا، گەییە سەرم و
وتی هەستە هەتاوت وا لەسەر کەوت
لە کێ، یا ڕەب، خەبەرپرسی بکەم من
کە هەر کەس بۆ خەبەر چوو، بێخەبەر کەوت
برۆی ئەوشۆخە ئەمڕۆ تیغی کێشا
نەجاتی دا بەڕەحمەت هەرچی بەرکەوت
بە تیر ئەمڕۆ دڕی وا هەرچی پێشهات
خودا پێداوە هەر کەس بەر نەزەر کەوت