Vurria [Italian translation]

Vurria c’uno, ‘int’ô suónno, me pugnésse

cu n’aco ‘mmelenato:

dóce dóce accussì me ne murésse,

sènz’èssere scetato,

sènza sentì e vedé...

Ma... nn’o vurria sapé...

Nu miédeco vurria ca me dicésse:

“Tu staje buóno malato!”

E ca pe mmedicina acqua me désse,

e sanato e ‘ngannato

io vurria rummané...

Ma... nn’o vurria sapé.

Vurria c’ a n’ato mo tu te truvasse,

a n’ato ‘nnammurato:

ca felice e cuntènta tu campasse,

e, d’o tiempo passato,

te scordasse, e de me...

Ma... nn’o vurria sapé!