Von den Elben [English translation]

Vón den elben wirt entsén vil manic man.

Só bin ich von grózer liebe entsén

Von der besten die ie man ze friunt gewan.

Wil si aber mich darumbe vên,

Mir zunstaten stên, mac sied an rechen sich,

Tuo des ich si bite: si fröut sô sêre mich,

Daz min lip vor wunne muoz zergên.

Swenne ir liehten ougen sô verkêren sich

Daz si mir aldurch mîn herze sên,

swêr da enzwischen danne stêt und irret mich,

dém müeze al sîn wunne gar zergên!

Ich muoz vor ir stên unde warten der vröiden mîn

rehte alsô des tages diu kleinen vogellîn.

Wenne sol mir iemer liep geschên?