Vintiré li ffronne lyrics

Vintiré li ffronne de verdespina

De verdespina

Nce nascette ninno chessa matina

Chessa matina

Ma 'na stella lucente

Lucente

Disse: "Tienelo a mente

A mente

A 'stu munno, a 'stu munnu nun guardare

Ca li ffronne, ca li fronne fa seccare

Si l'ammore, si l'ammore vuo' truvare

Spine amare, spine amare haje da chiantare"

Vintitré li rrose ca io chiantaie

Ca io chiantaie

Cu lu chianto mio pò l'addacquaie

Pò l'addacquaie

Ma lu munno mercante

Mercante

Ca d'amore è vacante

Vacante

Tre carline, tre carline ne vò dare

E li rrose e li rrose vò cumprare

'Ntra li ddete, 'ntra li ddete vò sfrunnare

Po' li vuole, po' li vuole scarpesare

Vintitré streppune fanno lamiento

Fanno lamiento

'Nce passaie la notte sott'a lu viento

Sott'a lu viento

'Na chiantuta de stelle

De stelle

'Na cajola d'aucielle

D'aucielle

Ca 'stu munno, ca 'stu munno è tristo assaje

Te 'ncatena, te 'ncatena sempre craje

Quanno primma, quanno primma te guardaje

E d'ammore e d'ammore te parlaje

Vintitré catene de tiempo amaro

De tiempo amaro

Me 'mbarcaje 'nu juorno pe' marenare

Pe' marenare

Pe' piscare 'n'aniello

'N'aniello

Ca perdette 'n'auciello

'N'auciello

Chill'auciello, chill'auciello sfurtunato

Ca 'ngajola, ca 'ngrajola era 'ncappato

E a lo mare e a lo mare scunfinato

Chill'aniello, chill'aniello aveva jettato

Vintitré li rezze fatt' a canciello

Fatt' a canciello

Cu' lu mare attuorno c'è 'nu castiello

'Nu castiello

Nce passaje sanacore

Sanacore

Nenna mia primm'ammore

Primm'ammore

E me disse e me disse: "Nun lu saie

Chill'anello, chill'anello io truvaje

Si lu core, si lu core me darraje

Vintitré, oje vintitré, vase avarraje"

Vintiré li ffronne de verdespina

De verdespina

Nce nascette ninno chessa matina

Chessa matina