Tu si' attaccante cómm'a na malía,
perciò te chiamme "Calamita d'òro".
Saje méttere 'int' e vvéne 'a frennesia
e sulo 'a vócca tója po’ dá ristòro.
" Calamita d'òro",
chéllo ch'hê fatto a mme
chi t' o pperdòna?
Io nun te dico niénte
pecché 'sta vócca ardènte
tanto m'attacca a tte
ca i' cchiù ne mòro,
"Calamita d'òro".
Passanno 'a dint'o vico 'o Buoncunziglio,
'e te m'hanno sparlato tuttuquante.
N'amico ha ditto: "Tu si' buonu figlio,
lássala e pòrta 'e ccére a tutt'e Sante".
"Calamita d'oro",
chéllo ch'hê fatto a mme
chi t' o pperdòna?
Io nun te dico niénte
pecché 'sta vócca ardènte
tanto m'attacca a tte
ca i' cchiù ne mòro,
"Calamita d'òro".