Վերքերով լի [Verqerov li] lyrics

Վերքերով լի ջանֆիդա եմ,

Թափառական տուն չունեմ,

Յարիս փոխան զենքս եմ գրկել,

Մի տեղ հանգիստ քուն չունեմ:

Արնոտ երկրի սուգ ու շիվան,

Ինձ դուրս կանչեց փակ կյանքից,

Տանջված հայրենիքի սերը,

Չվախեցուց վտանգից:

Սասնոյ լեռներ Գողգոթա են,

Շատ բարձր են, խիստ դժվար,

Կյանքի խաչը ես շալակած,

Այնտեղ տարի շատ հոժար:

Ես կոչվեցա Ջանֆեդայի,

Դարձա զինվոր գաղափարի,

Թող իմ թափած արյան շիթեր

Օրինակ դառնան հայ զինվորի:

Ես խաչվեցա ջանֆիդայի,

Սկզբունքը սուրբ մնա,

Թող իմ արյան կաթիլներով,

Հայ զինվորը զորանա:

Մակեդոնական միություն,

Իմ խաչովս կնքվեց,

Եղբայրական սիրո զենքով

Գազան սուլթանն խորտակվեց:

Կախաղանից երբ որ քամին,

Ինձ տարուբերե ճոճալեն,

Հիշեք Պետրոս Սերեմճյանին,

Թուրքեն վրեժ գոռալեն:

Ահա հանգիստ հող կմտնեմ,

Հույսս դուք եք ընկերներ,

Շարունակեք մեր սուրբ գործը,

Դաշնակցության վեհ քաջեր: