Venise n'est pas en Italie [Venetan translation]

No ti ga schéi pa ciapar l'aereo, gnanca un treno,

No ti pol pagarghe el biglieto pa 'ndare a Melun,

ma ti tio porti,

parché ti ghe vol ben,

sora mari de quei che i marinai

no i ga mai, mai visto indove che i finisse.

El to ceo xe queo dipinto dae to matonèe

e el soe xe su un tendon del sinema,

ma a ti no te frega,

Ma ti ti xe ricca,

Tio xe, parché ve amè ...

Venessia no ea xe in Italia,

Venessia xe ea da chichessia,

faghe l’amor drento na soffitta,

e ciavevene dei gondolieri!

Venessia no ea xe dove che ti credi che ea sia,

Venessia ancuo xe drento de ti,

ea xe partuto dove che ti va, ea xe dove che ti vol,

xe el posto dove che ti xe contenta...

No si più in 'sta stansa un fià ordinaria,

stasera gavì apuntamento sul canal.

Foghi d'artificio,

ea barca sbrissa…

Vedarì tuto, scoprirì tuto,

compreso el Ponte dei Sospiri ...

Durarà un ano o 'na eternità,

fin quando un Dio ve disarà: “basta cantar!”

Che importansa ga?

Semo in vacansa!

E tuto parché ve amè...

Venessia no ea xe in Italia,

Venessia ea xe da chichessia,

faghe l’amor drento na soffitta,

e ciavevene dei gondolieri!

Venessia no ea xe dove che ti credi che ea sia,

Venessia ancuo xe drento de ti,

ea xe partuto dove che ti va, ea xe dove che ti vol,

xe el posto dove che ti xe contenta...

Venessia no ea xe in Italia,

Venessia xe da chichessia,

Xe dapartuto, xe importante

Ma no ea xe in qualsiasi momento!

Venezia ea xe quando che ti vedi el ceo

sconderse soto i ponti Mirabelle,

Xe el contrario de 'na matina de piòva

Xe el posto dove che ti xe contenta ...