Venim del Nord, Venim del Sud [Galician translation]

Vimos do norte,

vimos do sur,

das terras do interior,

de alén mar,

e non cremos nas fronteiras

se detrás hai un compañeiro

coas súas mans estendidas

cara a un porvir liberado.

E camiñamos para poder ser

e queremos ser para camiñar.

Vimos do norte,

vimos do sur,

das terras do interior,

de alén mar,

e non nos guía ningunha bandeira

que non se chame liberdade,

a liberdade de vida plena

que é liberdade dos meus compañeiros.

E queremos ser para camiñar

e camiñar para poder ser.

Vimos do norte,

vimos do sur,

das terras do interior,

de alén mar,

e non sabemos himnos triunfais

nin marcar o paso do vencedor,

que se a loita é sanguenta

será con vergonza do sangue.

E camiñamos para poder ser

e queremos ser para camiñar.

Vimos do norte,

vimos do sur,

das terras do interior,

de alén mar,

serán inútiles as cadeas

dun poder sempre escravizante,

cando é a vida mesma

quen nos obriga a cada paso.

E camiñamos para poder ser

e queremos ser para camiñar.