Vegurinn til Valhallar - The Way to Valhöll lyrics

Svá beit þá sverð

ór siklings hendi

váðir Váfaðar,

sem í vatn brygði;

brǫkuðu broddar,

brotnuðu skildir,

glumruðu gylfringar

í gotna hausum.

Trǫddusk tǫrgur

fyr Týs ok bauga

hjalta harðfótum

hausar Norðmanna;

róma varð í eyju,

ruðu konungar

skírar skjaldborgir

í skatna blóði.

Blendusk við roðnum

und randar himni,

Skǫglar veðr léku

við ský of bauga,

umðu oddláar

í Óðins veðri,

hné mart manna

fyr mækis straumi.

Sǫ́tu þá dǫglingar

með sverð of togin,

með skarða skjǫldu

ok skotnar brynjur,

vasa sá herr

í hugum ok átti

til Valhallar vega.