Ce sta nu vecariéllo piccerillo,
nu vecariéllo stritto e sènza sòle..
A na fenèsta canta nu cardillo,
a n’ata fanno ‘a birbia ddóje figlióle.
Ma ‘o sóle ‘e chistu vico appucundruso
è na figlióla ca se chiamma Ròsa.
Quanno s’affaccia e fa nu pizzo a rriso,
tanno, stu vecariéllo è..n’ata còsa!!
Chi dice ca stu vico è appucundruso,
nce avéss’a stà quanno s’affaccia Ròsa
o puramènte quanno canta ‘e ccòse
arrèt’ô barcunciéllo miézo ‘nchiuso.
P’ammóre ‘e chistu vico, quase quase
me so’ scurdat’a via addò sto ‘e casa.
Si sta vita durasse n’atu mése,
turnasse a piglià ll’aria d’o paése!!