I, mens auratis alis,
i, in cliuis, in collibus consiste
ubi tepidae mollesque redolent
natalis soli dulces aurae.
Iordani ripas saluta,
euersasque turres Sionis.
O patria mea, tam pulchra sed amissa!
O memoria tam cara sed fatalis!
Harpa aurea fatidicorum uatum,
quur muta ex salice pendis?
Renoua recordationes in pectoribus nostris,
nobis loquere de tempore praeterito;
uel similem Solymae fati
crudae lamentationis exprime sonum,
uel etiam, concentum Dominus tibi inspiret
qui nobis ad patiendum impleat uirtute.