Uocchie c'arraggiunate [Spanish translation]

'St'uocchie ca tiene, belle,

Lucente cchiù d' 'e stelle,

Sò nire cchiù d' 'o nniro

Sò comm'a dduje suspire.

Ogne suspiro coce,

Ma tene 'o ffuoco doce

E, comme trase 'mpietto,

Nun lle dà cchiù 'arricietto.

E chi ve pò scurdà,

Uocchie c'arraggiunate,

Senza parlà,

Senza parlà?

A me guardate, sì,

E stateve 'nu poco,

Comme dich'i',

Comme vogl'i',

Comme vogl'i'!

Sò nire, cchiù sblennente

'E ll'ebano lucente.

Comm'a 'na seta fina

Sò ll'uocchie 'e Cuncettina.

Sempe ca 'e ttengo mente,

Nce trovo sentimente

Pecché nce sta 'nu vezzo

Ca i' guardo e ll'accarezzo.

E chi ve pò scurdà,

Uocchie c'arraggiunate,

Senza parlà,

Senza parlà?

A me guardate, sì,

E stateve 'nu poco,

Comme dich'i',

Comme vogl'i',

Comme vogl'i'!

Sciure e ffronne addirose,

Nun cerco tanta ccose!

Né 'a cchiù bella guagliona,

Si è ricca, mm'appassiona.

Ma tutt' 'a simpatia,

Ma tutt' 'a vita mia

Mme giova o mm'arruvina,

Sò ll'uocchie 'e Cuncettina.

E chi ve pò scurdà,

Uocchie c'arraggiunate,

Senza parlà,

Senza parlà?

A me guardate, sì,

E stateve 'nu poco,

Comme dich'i',

Comme vogl'i',

Comme vogl'i'!