S’amore meu ‘e su coro
juchet sos ojos mannos,
a sa mirada issoro
s’inche fuin sos afannos.
S’amore meu ‘e su coro
juchet sos ojos mannos,
t’apo donau sos annos
dae cantu deo t’adoro.
Unu frore che a tie,
bellu a suta ‘e su nie,
a su sole ‘e frearzu
mi l’at a batire Deus.
S’amore meu ‘e sa vida
juchet bonu sentidu
e s’anima dechida
che puzone in su nidu.
S’amore meu ‘e sa vida
juchet bonu sentidu,
dae cando ses partidu,
deo so abarrada ischida.
Unu frore che a tie,
bellu a suta ‘e su nie,
a su sole 'e frearzu
mi l’at a batire Deus.