Una muchacha en Selanika
Ke la kijeron kastigar.
Por unos negras yaprakitos,
Ke no lo supo bien gizar.
Su madre de ser ravioza,
Chaketón le fue a dar,
Por estos negras yaprakitos,
Ke no lo supo bien gizar.
Ya se alevantó Zimbulucha,
Ya se va onde'l Dayán,
Ke la dé la lisensia,
Ke turka se v’aboltar.
Djudia mas ke djudia,
Turka se fue a aboltar,
Por estos negras yaprakitos,
Ke no lo supo bien gizar.