Un'alenu 'e sole lyrics

Sa vida cheret sa manu

pro caminare in sas àndalas,

deo isetende beranu

pro rier a arvures e fruas.

Ma tue, una nue,

mi fur’un’alenu ‘e sole.

Deo fingo e canto rie-rie

ma un’infinida nostalgia

est oculta in fund’a mie

abbatichende s’allegria.

Asie, che nie,

lizera in su coro dolet.

Beni chi ses gradessida,

luche, in sa vida.

Cherzo intender preséntzia

de custa fortza.

Beni a mie màgica dansa

de mare e de sacralidade,

beni a mie chin abbaldansa

tue bentu de felicidade

intr’a mie, a mie

sighende un’alenu ‘e sole.

Misterios ‘e sos sentimentos,

carignos ei meda amore,

desvelos ‘e sos pentimentos,

sa frea ‘e su benidore

intr’a mie, a mie

sighende un’alenu ‘e sole.

Beni chi ses gradessida,

luche, in sa vida.

Cherzo intender preséntzia

de custa forza

intr’a mie, a mie

sighende un’alenu ‘e sole.