Umbra che a tie [Latvian translation]

Sa luche si ch'andat e lassat

Un'umbra pretzisa che a tie,

Sa neche che male si pesat:

Meighina non b'at pro a mie.

Sas fromas chi in s'ànima lean

Sas boches chi como ti làstiman

Peràulas chi solas si ch'andan

A inue como ses tue.

Su letu si partit che làcana

Comente niune bi siat.

Sa presse ti 'elat sas làgrimas,

Sa cara in sa janna fuida.

Si s'alenu si ch'andat,

Sa 'oche ti sichit de asie

E prùere mi paret s'àghera

Chi colat intro 'e a mie.

Como

Ses galu in custa danza,

Su sinu e sos fiancos

Moven su passu meu.

Como

Chie est chi ti affrantzat?

Chie est s'isprigu tou?

Chin chie jogas e ries?

Como tue tòrrami su cras

Ca solu tue as sa fine 'e custas dies.

Su fogu s'istudat e lassat

Chisina pius frita 'e su nie,

Nieddu s'ammentu si fachet

Che notte furada e perdida.

E galu che sole mi brusiat

S'istiu chi nos inchendiat.

Sa frama in su 'entu s'istudat

Chei custa luche mia.

Su mele in sas laras de seda

Fit rànchidu e deo no l'ischia.

Sa pache 'e su mare m'ammentas

De cando tue a mare intraias

Pius in fundu 'e s'ànima

E pius de 'onzi cosa nodia.

E como ses rena chi bolat

In custa manu mia.

Como

Ses galu in custa danza,

Su sinu e sos fiancos

Moven su passu meu.

Como

Chie est chi ti affranzat?

Chie est s'isprigu tou?

Chin chie jogas e ries?

Como tue torrami su cras

Ca solu tue as sa fine 'e custas dies.