Uliana

Dae su chelu un’istella est falada a pees de unu monte

Dae sa die dogni sero issa brillat prus lughente

Uliana fentomada

Pro su gust'e su nepente

E pro s'ospitale zente

Dae tantos ammirada

De su Corrasi in pees

S’Orthobene as de fronte

Aera frisca 'e monte

E beni si non bi crees

Tíscali antigu villàgiu

In mes’e rocas calcàrees

Ponìdebos in viàgiu

Andade a lu bisitare

Grutas e domos de janas

Chi meraviglian sa vista

Ammiran sos turistas

Chi andan a Uliana

Ballos, cantos a tenore

Ghiterra e poesia

Ses piena, 'idda mia

De bàntidos e onore

Olvidare potho mai

Prodìgios de sas alturas

De abbas friscas e puras

Sa funtana 'e Letai

Est sa zente a muntagna

De una bellesa rara

Bessin dae intro s'intragna

Trainos de abba jara

Gherran cun sa sicagna

Ch’est mandende sa natura

E cun su giardinu bagnan

Erba, frutos e berdura