Uch patir yopdim zirali,
Bir-biridan shirali.
Yuring bog‘a girali,
Qizil gullar terali.
Noz bilan ohay-ya,
Usuli bilan ibiy-ya.
Non yopaman o‘xshatib,
Rapidani qaqshatib.
Enama aytsam, aytmaydi,
Tandira bo‘yim yetmaydi.
Noz bilan ohay-ya,
Usuli bilan ibiy-ya.
Issiq nonni yopkanni
Qo‘llari dard go‘rmasin.
Nonning xushbo‘y hididan
Dillarimiz yayrasin.
Olasiz-a ranjani,
Sindirasiz tanchani.
Noz bilan ohay-ya,
Usuli bilan ibiy-ya.