Uócchie ca me parlate [Italian translation]

Chist'uócchie tuóje ca càgnano

culóre ògne mumènto

so bèlle quanno chiàgneno,

so chine 'e sentimènto,

si rìdeno s’appìcciano

cómm' a ddóje fiamme ardènte

sóngo stélle lucènte

ca tiéne ‘nfrónte tu!

Uócchie ca me parlate,

dicitincéllo a chi ve tène 'nfrónte

ca quanno me guardate

me sbatte 'o còre 'mpiétto cómm' a cche...

Uócchie ch'annammurate,

vuje site 'a luce 'e tutta 'a vita mia...

Dicìtelo a Maria

ca sènza 'e 'st'uócchie nun pòzzo campà !

Chist'uócchie tuóje ca pàrlano

direttamènte ô còre

paròle ca 'ncaténano, sulo paròle ‘ammore,

chist'uócchie ca 'ncantano

cómme te 'ncanta 'o mare,

sóngo ddóje còse rare,

chésti ddóje luce blù !

Uócchie ca me parlate,

dicitencéllo a chi ve tène 'nfrónte

ca quanno me guardate

me sbatte 'o còre 'mpiétto cómm' a cche...

Uócchie ch'annammurate,

vuje site 'a luce 'e tutta 'a vita mia...

Dicìtelo a Maria

ca sènza 'e st'uócchie nun pòzzo campà !

Chist'uócchie tuóie me pàrlano

direttamènte ô còre.