Twa Corbies [English translation]

As I was walking all alane

I heard twa corbies makin a mane

The tane unto the ither did say

Whar sall we gang and dine the-day?

Doun by yon auld fail dyke

There lies a new slain knight

And nane do ken that he lies there

But his hound, his hawk an his lady fair

His hound is tae the huntin gane,

His hawk tae fetch the wild-fowl hame,

His lady’s tain anither mate,

So we may mak oor dinner swate

Ye’ll sit on his white hause-bane

And I’ll pike oot his bonny blue een

Wi ae lock o his yellow hair

We’ll theek oor nest whan it grows bare

Mony a one for him makes mane,

But nane sall ken whar he is gane;

Oer his white banes, whan they are bare

The wind sall blaw for evermair