Ποντιος Ειμαι σκυρος σον κοζμον εξακουστος
Ματσκαλής είμαι ντογρής και πολλά πα γιοσμαλής
Είμαι τ'άστρον τη αυγής και τ'αηδόν τη χαραυγής
τραγωδάνος, μερακλής, το τσιτσέκ και τη κοσμί
το τσιτσέκ και τη κοσμί με παλικρι κορμί
Τραγωδώ ελληνικά, τραγωδώ και τούρκικα
Τούρκικα, ελληνικά, τραγωδώ σεβνταλικά
Τούρκικα, ελληνικά π'ες αχούλ ας εγροίκα
π'ες αχούλ ας εγροίκα, τραγωδώ σεβνταλικά
Θάλασσα Καραντενίζ το νερό σ' 'κί κατενίζ
Μαύρον εν το γουμ τ'εσόν, άμον την καρδιά τ'εμόν
κ'α σα δάκρ(ε)α τα πολλά, τα πολλά και τα πικρά
η νταλκά κρούει σο γιαλόν, το νερόν πάντα θολόν
ν'ανασπάλλω 'κι επορώ τραγωδώ και αναστορώ
Τραγωδώ ελληνικά, τραγωδώ και τούρκικα
Τούρκικα, ελληνικά, τραγωδώ σεβνταλικά
Τούρκικα, ελληνικά π'ες αχούλ ας εγροίκα
π'ες αχούλ ας εγροίκα, τραγωδώ σεβνταλικά
Έλα σεβντάμ χαμελά και μη στεκς α ση μακρά
Τραπεζούντα, Σαλονίκ, ση στράτα επεγεί μάκρα
Η ειρήνη το μπαρής τα μακρ(ι)ά 'φέρνε σουμά,
έχω σα μακρ(ι)ά σεβντάν πέρα σο Γιουνανιστάν
έχω σα μακρ(ι)ά σεβντάν πέρα σο Γιουνανιστάν
Τραγωδώ ελληνικά, τραγωδώ και τούρκικα
Τούρκικα, ελληνικά, τραγωδώ σεβνταλικά
Τούρκικα, ελληνικά π'ες αχούλ ας εγροίκα
π'ες αχούλ ας εγροίκα, τραγωδώ σεβνταλικά