Tue mama lyrics

A bortas deo no isco ite nàrrere

cando su coro meu est prontu a rùghere.

Non b’at unu cussizu ne unu pàrrere

chi isorbat custa nue.

Abarro a murmutu e chene ispàrghere,

no apo gana de sichire a cùrrere,

m’intendo petzi s’ànimu pro prànghere

sichinde cussa nue.

… e ses tue chi caentas sa die

tue, mama, ses che frore in su nie.

Bi ses tue, tue chi pessas a mie,

tue, mama, coro meu chi mi sichis in totue.

Oh, pro te solu dia cherrer

su mundu tintu ‘e cada galania.

Oh, pro te solu dia cherrer

sos frores, sos chi donen s’allegria.

Ca solu tue su bene meu,

tue su cantu meu, tue su sole meu,

oh mama… ses tue

O mama, deo ti cherjo petzi nàrrere

chi ses s’ùnica luche de ‘che bìere,

sa sola chi m’azudas in su fàchere,

s’arbèschida ses tue.

A bortas deo timo de ti pèrdere

cando non ses inoche pro m’astrìnghere.

Tue se s’ùnica boche de intèndere,

s’ispera in intro a mie.

… e ses tue chi caentas sa die

tue, mama, ses che frore in su nie.

Bi ses tue, tue chi pessas a mie,

tue, mama, coro meu chi mi sichis in totue.

Oh, pro te solu dia cherrer

su mundu tintu ‘e cada galania.

Oh, pro te solu dia cherrer

sos frores, sos chi donen s’allegria.

Ca solu tue su bene meu,

tue su cantu meu, tue su sole meu,

oh mama… ses tue... ses tue... ses tue…