Tu si' chélla [Italian translation]

Tu si' chélla ca dicive:

"Nun te pòzzo maje scurdà".

Tu si' chélla ca facive

giuramènte in quantità!

Mò conósco, nénna bèlla,

cómme 'a piénze e chi si' ttu...

saccio buóno ca si' chélla

ch'avveléna 'a gioventù!

Staje cu n'ato ca se créde

tutto chéllo ca lle dice...

'o faje crédere felice

fino a quanno piace a tte!

Pe' capriccio? Pe' gulìo?

Pe' cercà... cercà... chisà?!

E giuranno ammóre e bène

saje dà giòie e saje dà péne.

Nun te saccio di' manch'io

si è pe' sfizio o 'nfamità!

Fino a quanno n 'atu còre

dint'e bracce nun te tène,

fino a quanno n'ato ammóre

siénte 'e frèmmere pe tte...

tu si' chélla ca vasanno

péne e giòie sape da'

e faje crédere, giuranno,

mille e una falsità.

Me venésse 'e di' a chist'ato

ca se créde che 'o vuo' bbène

tutto 'o bbène e tutto 'o mmale

ca vasanno hê dato a mme.

Pe' capriccio? Pe' gulìo?

Pe' cercà... cercà... chisà?!

e giuranno ammóre e bène

saje dà giòie e saje dà péne,

nun 'o ssaccio di' manch'io

si pe' sfizio o 'nfamità!

. . . . . . . . . . . . . . . . . . . . . . . . . .

Saccio sulo ca si' chélla

ch'avveléna 'a gioventù!