Vide 'o mare quant'è bello,
Spira tantu sentimento,
Comme tu a chi tiene mente,
Ca scetato 'o faje sunnà.
Guarda guá' chistu ciardino,
Siente sié' sti sciure arance:
Nu prufumo accussí fino,
Dinto 'o core se ne va...
E tu dice: "Io parto, addio!"
T'alluntane da stu core...
Da la terra de ll'ammore,
Tiene 'o core 'e nun turná?!
Ma nun mme lassá,
Nun darme stu turmiento...
Torna a Surriento:
Famme campá!..
Vide 'o mare de Surriento
Che tesore tene 'nfunno:
Chi ha girato tutt''o munno,
Nun ll'ha visto comm'a ccá!
Guarda, attuorno, sti Ssirene
Ca te guardano 'ncantate
E te vònno tantu bene:
Te vulessero vasá!
E tu dice: "Io parto, addio!"
T'alluntane da stu core...
Da sta terra de ll'ammore,
Tiene 'o core 'e nun turná?!
Ma nun mme lassá,
Nun darme stu turmiento...
Torna a Surriento:
Famme campá!..