Toka e Diellit

Buzë kaltërsisë, ja një shelg, thonë se loton

Pranë bukurisë, ja një yll, thonë se ëndërron

Ne çdo ujëvarë, ja një diell, lind dhe perëndon

Ne çdo pulëbardhë krahëlehtë, kush jeton?

Tek çdo njeri, ja një shpresë, rritet, lulëzon

Në horizont, ja një velë, det kërkon

Pranë dashurisë një re, bëhet pemë e gjelbëron

Ne çdo shqiponjë krahëlirë ne jetojmë

Fjala "liri" nëpër natë ndez një vetëtimë

Buzët e saj janë përherë etje për njerinë

Fjala "liri" lind një botë, botën e ndriçon

Dhe në çdo kohë mbijeton

O Shqipëri, m’i fal pranverat

Mbaj në shpirt zjarrin tënd

çudinë e tetë të botës

O këngë diellore shpalosi velat

Si shqiponjë nëpër botë fluturo, fluturo!

Si shqiponjë në të ardhmen, fluturo!

Buzë kaltërsisë, ja një shelg, thonë se loton

Pranë bukurisë, ja një yll, thonë se ëndërron

Ne çdo burim si legjendë era vjen e shkon

Ne çdo legjendë krahëshpend, kush jeton?

Tek çdo njeri, ja një shpresë, rritet, lulëzon

Në horizont, ja një velë, det kërkon

Pranë dashurisë një re, bëhet pemë e gjelbëron

Ne çdo shqiponjë krahëlirë ne jetojmë

Fjala "liri" nëpër natë ndez një vetëtimë

Buzët e saj janë përherë etje për njerinë

Fjala "liri" lind një botë, botën e ndriçon

Dhe në çdo kohë mbijeton

O tokë e diellit, m’i fal pranverat

Mbaj në shpirt zjarrin tënd

çudinë e tetë të botës

O këngë diellore shpalosi velat

Si shqiponjë nëpër botë fluturo, fluturo!

Si shqiponjë në të ardhmen, fluturo!