The Mummer's Dance [Sardinian [southern dialects] translation]

Candu in tempus de beranu

is àrburis tenint corona ‘e follas

e su linnarbu e s’ìlixi, sa bedulla e s’eni

funt allichidius a frocus galanus

Candu is istrias tzèrriant a sa luna ispantosa

in su belu scurïosu de sa notti,

is umbras de is matas aparessint

in mesu de sa luxi de is làntias

Seus istétius bandulendi totu sa notti

e unu pagu de sa di puru

e imoi ch‘indi seus torrendi

si portaus un’allirga grillanda

Chini inci at a calai a cussu buscu umbrosu

po ‘nci acorrai is umbras a ingunis

e acapiai unu frocu a cussus bratzus amparadoris

in tempus de beranu?

Su cantu de is pillonis parit ch’ind’est prenendi su buscu

comenti ch’inci siat unu violinista sonendi

e s’intendint tot’is boxis insoru

meda tempus a pustis in su padenti

Seus istétius bandulendi totu sa notti

e unu pagu de sa di puru

e imoi ch‘indi seus torrendi

si portaus un’allirga grillanda

Intzandus si poniant a ballai a manu tenta

in tundu e a filera

e diaici acabat su viàgiu de sa notti

candu tot’is umbras si funt arretiradas

Un’allirga grillanda si seus portendi

e anant‘e s’enna ‘e ‘osatrus si frimaus,

est una fròngia beni froria,

sa faina de sa manu ’e Deus

Seus istétius bandulendi totu sa notti

e unu pagu de sa di puru

e imoi ch‘indi seus torrendi

si portaus un’allirga grillanda