The Lake [Breton translation]

'Barzh Nevez Amzer ma yaouankiz, boas 'oan

da glask a-dreuz ar bed ul lec'h

ne vefen ket evit e garet nebeutoc'h

Ken brav-se 'oa an digenvez

eus ur poull gouez gronnet a reier du

gant gwez pin uhel o sevel tro-dro

Hogen pa 'n doa an noz ledet he fallenn

war al lec'h-se kenkoulz ha dre-holl

hag a zremene an avel hud e-bioù

en ur vouskanañ heson

Neuze siwazh, neuze e tihunen

ouzh spouron ar poull distro

Evit gwir, ar spouron-se n'oa ket aon,

met un dudius a skrijadenn

ur santadur na vefe gouest ur bern braverioù

d'am deskiñ pe d'am broudañ d'e zisklêriañ

ha n'oa kennebeut ar garantez, ha pa vefe-hi da hini

Ha tremen a rae an avel hud e-bioù

en ur vouskanañ heson

Neuze siwazh, neuze e tihunen

ouzh spouron ar poull distro

Edo ar marv e-barzh ar gwagennoù bilimus-se

hag e-barzh o islonk ur bez a-feson

evit an hini a c'hellfe degas frealz diouto

d'e faltazi digenvez

hag a c'hellfe e ene diamezek ober

ur Baradoz eus ar poull teñval-se

Eus ur poull gouez

gant reier du

en-dro dit

hag ar gwez-pin o sevel tro-dro

Karantez ken

poanioù ken

da 1

da zispleg

Ha tremen a rae an avel hud e-bioù

Neuze siwazh, neuze e tihunen

ouzh spouron ar poull distro

ur Baradoz eus ar poull teñval-se

ur Baradoz eus ar poull teñval-se

Ha tremen a rae an avel hud e-bioù

en ur vouskanañ heson

Neuze siwazh, neuze e tihunen

ouzh spouron ar poull distro

Ha tremen a rae an avel hud e-bioù

en ur vouskanañ heson

Neuze siwazh, neuze e tihunen

ouzh spouron ar poull distro

1. Mod-se eo adlâret en destenn orin.