The Braes o Killiecrankie lyrics

Whare hae ye been sae braw, lad?

Whare hae ye been sae brankie, o?

Whare hae ye been sae braw, lad?

Came ye by Killiecrankie, o?

[Chorus:]

An ye had been whare I hae been,

Ye wadna been sae cantie, o;

An ye had seen what I hae seen,

On the braes o Killiecrankie, o.

I faught at land, I faught at sea,

At hame I faught my auntie, o;

But I met the devil and Dundee

On the braes o Killicrankie, o.

[Chorus]

The bauld Pitcur fell in a furr,

And Clavers got a clankie, o,

Or I had fed an Athol gled

On the braes o Killiecrankie, o.

[Chorus]

O fie, Mackay, what gart ye lie

I' the bush ayont the brankie, o?

Ye'd better kiss'd King Willie's luif,

Than come by Killicrankie, o.

There's nae shame, there's nae shame,

There's nae shame tae swankie, o;

There's sour slaes on Athol braes,

And the Deil’s at Killiecrankie, o.

[Chorus]