Θα παίρω ξύλα α' σο ρασίν [Tha pero ksila a' so rasin] [Russian translation]

Θα παίρω ξύλα α' σο ρασίν κι' α' σην καρδία μ' φωτία,

σ' έναν τόπον θα θεκ' ατά και καίγω ούλια μίαν.

Θα φέρω ασ' σο ποτάμ νερόν σην καρδία μ' να ξύνω,

εκεί απές ντ' έχω τ' άψιμον ολίγον να ν' εβζήνω.

Και θολόν έτονε το νερόν ασ' σο ποτάμ ντο έγκα ,

αντί να βζήνω τ' άψιμον σην ψύ μ' φαρμάκ εσέγκα.

Το αίμαν ασ' σο κάρδοπο μ' ντ' άσκεμα τζιμπονίζει,

θολόν ποτάμ' εγέντονε κ' άλλον κι κατενίζει.