Lokho li dikheja tu o Tevhidi,
Sar o Ibrahimi ki jag te khuve?
Te palden tut kheral taro to manglo than,
Sar o Musa ko Tur drom tu te cide?
Te pere nasvalo, ilači nane,
Sar o Ejub, sabri tu te kere?
Te frden tut te phrajla ko bunari,
Sar o Jusuf, Sultani tu te ove?
Te mangljan Tevhidi tu te dživdine,
Sar o Isa bizo šerand ka sove?
To nefsi ki godi, te šaj te ane,
Sar o Jahja, kurbani tu te ove?
O Tevhidi nane samo čhibjaja,
Nuheskoro brodi bujrum te kere.
Ehli Bejte našti samo te mange,
Sar o Huseini tu da te mere.
Šerijati trebel tu te živine,
Imam Alijaja drom tu te cide.
Tekvaluko to šej trebel te ovel,
Fatimake evljadi tu te ove.