Tempus est Iocundum "Codex Buranus, 179" [Turkish translation]

Tempus est iocundum, o virgines!

modo congaudete, vos iuvenes!

O! o! totus floreo!

Iam amore virginali totus ardeo;

Novus, novus amor est, quo pereo!

Cantat philomena sic dulciter,

et modulans auditur; intus caleo.

O! o! totus floreo!

Flos est puellarum, quam diligo,

et rosa rosarum quam sepe video.

O! o! totus floreo!

Mea me confortat promissio,

mea me deportat negatio.

O! o! totus floreo!

Mea mecum ludit virginitas,

mea me detrudit simplicitas.

O! o! totus floreo!

Sile, philomena, pro tempore!

surge, cantilena, de pectore!

O! o! totus floreo!

Tempore brumali vir patiens,

animo vernali lasciviens.

O! o! totus floreo!

Veni domicella, cum gaudio!

veni, veni, pulchra! iam pereo!

O! o! totus floreo!