جرب من اللى أنا دقته معاك
بكرة هتمشي تبص وراك
وهتتعذب.. اتقل اتقل
اوعى تفكر إنى ملاك
لا يا حبيبى انا هقسى عليك
بكرة تشوف الويل بعنيك
مش هتعاتب ولا هتكلم
وقت عتابك عدى عليك
طيب طيب
صبرك حبة
ماعرفت خلاص إيه فيها
أستاذ في القسوة
لكن علي مين
دنا يابني معلم فيها
كده كده انا كده
أنا فاهمك
فبلاش تطلع أوي فيها
بيع مش هزعل
هرضى هقبل
وفي أكتر من كده فيا
و افتكر ان انت تعبت
ودوخت لحد ماتوصل ليا
بقى بعد ما تتمسكن تتمكن؟
ما انا برضه الحق عليا
ده أنا ياما نصحتك تبعد عني
لكن أنت اخترت جزائى
ماشي براحتك لو عايز
هو أنا ده كده طبعي ودائي
انا ساعة الشر مايشتر
أنا عمري ما هبقى عليك باقي
لو كان عقلك صورلك
انك ممكن تلعب يوم بيا
عقلك خدعك يا حبيبي
وحتشوف عكس الحنية
ده أنا ايامى ما يعلم بيها
ومفيش أصعب من لياليا
عايش قادر ولا همك
حركاتك عمال تداريها
بتبيع فى قلوب الناس
بتعذب نفسك وانت راضيها
وانا جي أعلم قلبك
وهسيبك تندم بعديها