Tarantella napoletana lyrics

Tarante'

Mari' pecché te sî sbizzarrita

cu chesti mmusiche furestiere?

Tarante'

mo' cu Valencia, mo' cu Paquito

napulitano nun cante cchiú

Se', scetasse

tutt''e ccanzone 'e nu seculo

fatte a Napule

primma 'e sti mmusiche oje ne'!

Datammillo nu tammurro

voglio 'o populo attuorn'a mme!

Qua' spagnola? Qua' 'mericana?

Ma s''o credeno o 'o ffanno apposta?

Chest'è musica paisana

chest'è ppane d''a casa nosta

chest'è Napule quann'abballa

tarantella, tarante'

Tarante'

tammorre e zuoccole e Culumbína

Pulecenella cu'o cuppulone

Tarante'

mo' sî spagnola, sî pariggina

e 'a gente crere ch'è nnuvità

Nu' pe ddicere,

chest'è 'a scuperta 'e ll'America

basta sentere

pe tutt''o munno 'e cantà

cu chitarre e mandulíne

Funiculí Funiculà

Qua' spagnola? Qua' 'mericana?

Ma s''o credeno o 'o ffanno apposta?

Chest'è musica paisana

chest'è ppane d''a casa nosta

chest'è Napule quann'abballa

tarantella, tarante'