Suspiranno lyrics

‘Na fenestella 'e foglie rampicante

‘Na puntigliosa cu nu musso astrinto

E nu suspiro mio ch'a vasa 'nfronte

Arape 'a vocca e ce se 'mpizza dinto

‘Na fenestella 'e foglie rampicante

Suspiro mio, vièneme a dí che fa

Penza 'e fá pace o penza 'e mme lassá?

T'aspetto a fianco e rrose, addó saje tu

Addó dicevi: "Io nun te lasso cchiù!"

"Io nun te lasso cchiù!"

E tècchete 'e rimpetto 'a luna sponta

Dicenno: "Bonasera a tuttuquante

Jate a ll'appuntamento ca i' só pronta

Femmene belle e giuvinotte amante..."

E tècchete 'e rimpetto 'a lunasponta

Suspiro mio, vièneme a dí che fa

Penza 'e fá pace o penza 'e mme lassá?

T'aspetto a fianco e rrose, addó saje tu

Addó dicevi: "Io nun te lasso cchiù!"

"Io nun te lasso cchiù!"

‘Na fenestella 'e foglie rampicate

‘Na lácrema caduta 'e pentimento

E na vucchella e doje manelle pronte

Ca tornano a chiammá ll'antico amante

Na fenestella 'e foglie rampicante

Torna 'o suspiro e dice: Viene 'a ccá

Ca vò fá pace e nun te vò lassá...

Chella ch'ha ditto a fianco ê rrose thè

È overo! È overo... io moro senza 'e te

Io moro senza 'e te!...