Suerzu lyrics

Cando bisajos tuos fin in s’intragna ‘e Deus

dae mesu de sos rubos m’inde pesei reu.

Bid’apo temporadas de ranzola e de nie

e focu a mesudie in cussorzas fadadas.

Cando bisajos tuos fin in s’intragna ‘e Deus…

In sos costazos mios dae sende pitzinnu

b'at patimentu a rios e de dolu b'at sinnos.

Si su tempus li nochet a sa corzola mia

su focu no mi cochet ne m’infritat biddia.

Cando bisajos tuos fin in s’intragna ‘e Deus…