Su poveru irrichiu lyrics

Fis traballadore bonu tue, pitzinnu 'e conca firma,

juchias ocros che mariane, de totus aias s'istima,

chin totus fis a cumpanzu, chin totus fis a compare,

prenda de babbu e de mama, a sa bidda fachias onore.

Lu contaban ja dae tando, totus l’aian a contàssia

cando at fattu su dinare at ingabbau chin malas trassas.

Tzertu non bi lu credian chi su dinare lu podiat cambiare

e chi un hómine de cuss'afficu irmenticaiat de cumbidare.

Zaju ja fit cuntentu ma un'umbra in coro fachiat pessare:

in campuras nd'aiat bidu, jubos bonos a si zirare (x2)

Lu contaban ja dae tando cantos l’aian a ditzu:

“Menzus torret su ricu a póveru chi unu póveru diventet ricu”.

De cabaddos e de tancas su ricu podet esser mere

ma s'amore de sa zente non si còmporat chin su dinare.

Si torrare dias a esser dignu e hómine 'e gabbale

chin sa zente e sos amicos paris amus a festare.

Deus ti sarvet de sa sorte chi su diàulu t'at istichiu,

dae teracu como a mere 'e corte, pacu bene, póveru irrichiu.

Zaju ja fit cuntentu ma un'umbra in coro fachiat pessare:

in campuras nd'aiat bidu, jubos bonos a si zirare (x2)

Zaju ja fit cuntentu ma un'umbra in coro fachiat pessare:

in campuras nd'aiat bidu, jubos bonos a si zirare (x2)